من لما عرفنا دافوس، بلدنا الأردن صار منحوس

كل سنة وعود بمئات الملايين، وبالنهاية الشعب بدفع الفواتير

صور في مجلات الازياء ما بتطعمي الجياع، وتصريحات عن الشباب كأنه ما حدا بقرأ التعليقات

لبسنا أغلى من كل الملكات والاميرات، بس الشعب مش لاقي الفتات

والله صحيح اننا الغنم وانتوا الرعاة، سلختوا فروتنا وعملتوا منها فستان وتركتوا الشعب في البرد عريان

واحمالنا جزيتم اعناقها من جشع حساباتكم، بس قدام الصحافة الغربية تجيش بالحنية عواطفكم

بين دافوس وكان، صرنا نشوفكم فقط بالاحلام … وصدقوني ما عادت هاي أجمل الاحلام

وياه ما أحلى الصورة العائلية في دافوس، ولا كأنه البلد فلتان

صرنا نسرق بنوك وكازيات، والله يستر الأعراض كمان

وانتوا بتبتسموا للصورة بين الثلوج، مخفر رمز للدولة في عمان بيتعرض للهجوم

وصارت الرشوة قبل السلام، كله من افضال دافوس يا اخوان

نحبكم ونتمسك بالولاء, بس الصبر عياره خفيف عند الجياع