:معقول هذا الحكي

زغروته الفساد اختفى

!!!الفساد الكبير (بح) اختفى

ممكن؟

.ممكن لأنه لو لسه في البلد خير (للفساد) ما (بتركها) اصحابها في أزماتها

 يا خوفي يكتسح وائل كفوري وهاني شاكر وراغب علامة اصوات اللامركزية

ويا خوفي تحصد نانسي عجرم ونوال الزغبي اصوات اكثر من مجموع اصوات الزعامات الاردنية

صوتي مضمون لنانسي

أختلط الحابل بالنابل في شوارع الأردن ولم نعد نعرف هل نصوت لوصلة موسيقية في  في بلدية الزرقاء او نصوت لتخطيط شوارع على المسرح الجنوبي؟

هل نصوت لوسامة كفوري او نصوت لكشرة المرشح الاردني؟

بدك تغير صحيح؟ صوت لكفوري منيح

 

الله يسامحك يا معالي الدكتور الكلالدة

يا راجل كان أجلت موضوع الانتخابات شوية

اليوم بسبب عدم التخطيط ينافس المرشح الاردني المسكين شعبية وائل وحلاوة نانسي

بشرفك يا دكتور (وحكم ضميرك) لمين رح تصوت؟ حاسس انك (ستايل) نوال الزغبي

صوت لنوال لمستقبل عال

 

:بسبب عدم التخطيط المواطن الاردني اليوم عنده خيارين

يصوت لناس مجهولين لا يعرف عنهم اي شيء بناءا على وعود ضبابية ومحتمل كثير, ومثل كل الانتخابات, (يحلقوا) للمواطن بعد الانتخابات ويبحثوا عن طرق سريعة للثراء على حساب المواطن

أو يصوت لناس مشهورة ويعرف عنهم كل شيء وعلى عكس المسؤولين المنتخبين عمرهم ما سرقوه؟

:بصراحة الخيار واضح

مع هاني صوتي عالي

بصراحة ومن تاريخ الانتخابات في العهد الجديد ماذا قدم كل شخص تم انتخابه للمواطن؟

هل قدم شيء غير الفواتير و(وجع الراس) وبحبة حسابه في البنك على حسابنا؟

بالمقارنة ماذا قدم لنا راغب علامة ونانسي عجرم وبقية الفنانين المشاركين في جرش؟

سنوات من الاستمتاع والمشاركة مع الاحباء وكل ذلك مجانا او بتكلفة بسيطة

:الخيار وكما قلت واضح

مع راغب المستقبل لامع

كل لا مركزية ومهرجان جرش بخير

 

العالم يتخبط بحثا عن حل لبطالة الشباب

:في الاردن خبطنا البطالة في نص عينها

هامل ؟

داشر؟

قاعد بالبيت بالشورت والشباح مجنن اهلك؟

بدك تحسن معيشتك؟

بدك تحسن معيشتك  (مع غمزة عين)؟

بقول لك بدك تحسن معيشتك (مع حركة عد الفلوس بالاصابع)؟

أنزل انتخابات